Од Левица не се откажуваат од предлогот за налепници на општинските службени возила, ќе ги достават испечатени на следната седница

Охрид, 6. април 2023 (ОХРИДПРЕС) – Од локалниот огранот на партијата Левица од Охрид не се откажуваат од предлогот за налепници на општинските службени возила, ќе достават испечатени на следната седница.

– Откако Советот на Општина Охрид ја одби иницијативата на Левица да се постават налепници со кои ќе бидат обележани службените возила, нашата советничка Виолета Аврамоска ќе достави испечатени налепници на следната седница на Советот. Со налепниците ќе биде доставена нова иницијатива за обележување на службените возила, при што апелираме советниците и градоначалник Пецаков конечно да го прифатат овој предлог. Обележувањето на службените возила е неопходно, со цел да не се злоупотребуваат службените возила од страна на вработените во општината по завршувањето на работното време. Со обележување граѓаните ќе имаат увид дали се врши злоупотреба на возилата за приватни цели од страна на функционерите и вработените во Општина Охрид. Потсетуваме, до Претседателот на Совет, Сашо Донев на 31-ви октомври 2022 година му беше доставена Иницијатива за донесување одлука за обележување на охридските службени возила, информираат од Левица. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука