Меѓународен ден на музеите, денеска бесплатен влез во објектите на Завод и Музеј Охрид

Охрид, 18. мај 2023 (ОХРИДПРЕС) – За поголема промоција на културното наследство на Охрид и Охридскиот регион, како и генерално подигање на културната и јавна свест, по повод 18-ти мaj, Меѓународниот ден на музеите, влезот за посетители во сите објекти под надлежност на НУ Завод за заштита на спомениците на културата и Музеј-Охрид денеска ќе биде бесплатен.

– Како дел од активностите кои се реализирани во претходниот период, претставуваат и виртуелните реконструкции на гробницата од македонски тип кај локалитетот „Караѓулевци“ и римската гробница кај локалитетот „Видобишта“. Со цел запознавање на јавноста за гробниците, виртуелните реконструкции ќе бидат проектирани во просториите на спомен куќата на Христо Узунов на 18-ти мај. Апелираме до сите кои се во можност, а посебно до помладите генерации да ја искористат оваа прилика да се запознаат со значајното културно наследство со кое располага нашиот град, информираат од НУ Завод за заштита на спомениците на културата и Музеј- Охрид. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука