Охрид претставен на Саемот за бизнис инвестиции Real Expo 2023 во Сараево

Сараево/Охрид, 18. јули 2023 (ОХРИДПРЕС) – Почнувајќи од денес и во наредните три дена, Охрид ќе биде претставен на Саемот за бизнис инвестиции Real Expo 2023 кој се одржува во Сараево.

– Штандот на Општина Охрид беше посетен од потенцијални инвеститори помеѓу кои беше Шеикот од Обединетите арапски емирати Мохамед бин Сакр Ал Касими. Исто така остварив средба и со премиерот на Кантонот Сараево, Нихад Ук. Покрај за посетителите на штандот извршив презентација на можностите за инвестирање во Охрид пред останатите присутни и воедно остварив продуктивни лични средби, вели градоначалникот на Охрид д-р Кирил Пецаков.

Тој напоменува дека е уверен дека овие средби ќе вродат со конкретни инвестиции во Охрид. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука