Охриѓани вечерва ќе ја пречекаат Христијана Парулеска која го освои бронзениот медал на Светското таеквондо ИТФ првенство во Казахстан

Охрид, 27. август 2023 (ОХРИДПРЕС) – Охриѓани вечерва во 19:30 часот, на бината кај хотелот „Палас“, ќе организираат свечен пречек на таеквондиската Христијана Парулеска која го освои бронзениот медал во спаринг борби – јуниорки 14-15 години на Светското таеквондо ИТФ првенство во Астана, Казахстан.

Парулеска, црн појас I дан, во првиот меч славеше против натпреварувачката од Русија, а потоа и против репрезентативкиte на Канада, Грција и Узбекистан. Во Казахстан беа и Давид Крстески црн појас I дан и Елена Јанеска црн појас I дан кои се искусни натпреварувачи и освојувачи на медали на важни европски натпреварувања.

Ова е уште еден огромен успех за младата Христијана Парулеска, која се закити со титулата европска шампионка во спаринг борби и на Европското првенство во таеквондо ИТФ, кое се одржа во Језоло, Италија. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука