Fugees повторно заедно на Global Citizen Festival, за прв пат по 2021 година
Охрид, 28. септември 2023 (ОХРИДПРЕС) – Lauryn Hill, Pras Michél и Wyclef Jean се вратија како Fugees за прв пат по 2021 година на Global Citizen Festival минатиот викенд.
Триото ги изведе „Killing Me Softly“, „Ready or Not“ и „Fu-Gee-La“ како музичко изненадување на сетот на Lauryn Hill. Заедно со неа настапија и Red Hot Chilli Peppers, Jung Kook, а имаше и специјален настап по повод 50-годишнината на хип-хопот со Busta Rhymes, Big Daddy Kane, Rapsody и D-Nice.
Global Citizen Festival се одржува повеќе од 10 години, со цел да се соберат пари и да се крене свеста за искоренување на екстремната сиромаштија. Акциската платформа, која има канцеларии во Канада, Јужна Африка, Австралија, Германија и Обединетото Кралство со седиште во Њујорк, има три мисии: да ја победи сиромаштијата, да ја брани планетата и да бара правда. Според нивната веб-страница, изданието на хуманитарниот фестивал во 2023 година собрало 290 милиони долари.
Последното заедничко шоу на Fugees беше, исто така на фестивалот Global Citizen во Њујорк во 2021 година. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
