Со Свечена седница започнува одбележувањето на 11-ти Октомври, Денот на народното востание

Охрид, 10. октомври 2023 (ОХРИДПРЕС) – Со свечена седница која ќе се одржи во големата сала на Општина Охрид, Општина Охрид го започнува одбележувањето на 11-ти Октомври, Денот на народното востание.

На седницата која ќе започне во 12:00 часот, ќе се обрати градоначалникот на Охрид, д-р Кирил Пецаков, како и претставник на ОО на Сојузот на борците на Охрид и Дебрца. Предвидена е и културно-уметничка програма.

Утре ќе биде положено свежо цвеќе пред спомен-обележјата од НОБ во Градскиот парк, пред зградата на Основен суд во Охрид, во училишниот двор на СОСУ „Св. Кирил и Методиј“ и на Градските гробишта. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука