Се зборува на Facebook: Охриѓанецот Кадри Селман и понатаму создава убавина и го разубавува Охрид

Охрид, 28. октомври 2023 (ОХРИДПРЕС) – Информацијата за уметничките дела на охриѓанецот Кадри Селман, кој и понатаму ги создава и го разубавува Охрид, изминативе денови е помеѓу најкоментираните на Facebook профилот на OhridPress.

Самоиницијативно, тој продолжува да создава убавина која плени, афирмирајќи го градот во вистинско светло. Пред фигурите, кои Кадри ги обликува од украсните грмушки, застануваат охриѓани и гостите и се сликаат за спомен. Кадри Селман, е вработен во „Паркови и зеленило” на ЈП „Охридски комуналец”. Се` е негово, од идеја до реализација. Дури самиот купил и специјални ножици.

Читателите на OhridPress со пофалби за посветеноста и преубавите креации кои ги создава Селман. До одговорните апелираат соодветно да го наградат и со тоа да го мотивираат и понатаму да го прави нашиот Охрид уште поубав. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука