Александра Јанева има врвен нов сингл „Одвреме навреме“

Охрид, 7. декември 2023 (ОХРИДПРЕС) – Нашата Александра Јанева е горд сопственик на еден од најубавите вокали во Македонија и млада дама која совршено добро знае да ги следи светските музички трендови.

Доказ за тоа е и нејзината нова песна „Одвреме навреме“, за која музиката и аранжманот се дело на Лазар Цветкоски, а текстот го потпишуваат заедно.

– Непосредно пред да заминам на патување ја завршивме песната и јас не можев да престанам да ја слушам. Па си реков, зошто да не ја снимам мојата најсвежа реакција во преубавата Италија. Видеото со телефон е снимано во италијанската покраина Апулија, на местата Бари, Чистернино, Полигнано а Маре, вели Александра.

Ќе слушате за оваа млада дама уште многу, а најдоброто од неа е пред сите нас. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука