АМСМ (12:41h): Слаби врнежи од снег на Буково, Ѓавато и Плетвар

Охрид, 15. декември 2023 (ОХРИДПРЕС) – Сообраќајот на државните патишта се одвива непречено во зимски услови по влажни коловози, информираат од Авто мото сојузот на Република Македонија (АМСМ).

Слаби врнежи од снег има во Крушево, Буково, Ѓавато и Плетвар. Во 04:40 часот се укина забраната за сообраќај за тешки товарни возила преку планинските превои „Стража“ и „Пресека“. Во 07:00 часот е укината забраната за тешки товарни возила на патниот правец крак Маврово-Дебар.

Од АМСМ потсетуваат на обврската за носење зимска опрема која е на сила од 15-ти ноември 2023 година. Истата предвидува задолжително поседување на зимска опрема во возилата, без оглед на моменталната временска состојба. Оваа обврска ќе трае до 15-ти март 2024 година. (Крај)

извор: АМСМ фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука