Налепниците со ознака „NMK“ ќе бидат бесплатни за граѓаните

Скопје, 6. февруари 2024 (ОХРИДПРЕС) – Налепниците со ознака „NMK“ што ќе треба да се залепат на регистарските таблички ќе бидат бесплатни за граѓаните.

– Министерството за внатрешни работи ја информира јавноста дека донесена е одлука налепниците со ознаката НМК кои ќе треба да се залепат на регистарските таблици да бидат бесплатни за граѓаните, односно да бидат на товар на МВР, стои во соопштението.

Инаку, сопствениците на возила, заклучно со 12. февруари годинава мора да извршат промена на ознаката „МК“ на регистарските таблички со новата ознака „NMK“.

Обврската за користење на кодот „NMK“ на регистарските таблички е произлезена од Преспанскиот договор. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука