Левица: Продолжува узурпацијата на плажата „Канео“ од „непознатиот сторител“

Охрид, 8. февруари 2024 (ОХРИДПРЕС) – Поради узурпација на плажата „Канео“, спротивно на препораките на УНЕСКО, Левица на 2-ри јануари 2024 година, поднесе Иницијатива за вршење вонреден инспекциски надзор, стои во дописот до медиумите, испратен од партијата.

– Градежната инспекција излезе на терен и изврши увид, по што инспекторот констатира дека узурпацијата на езерскиот брег кај „Канео“ се врши од „непознат“ (НН) сторител. Ги известуваме градоначалникот на Општина Охрид Кирил Пецаков и Градежната инспекција дека „непознатиот“ (НН) сторител овие денови продолжува со градежните активности на езерскиот брег кај „Канео“. Дали „непознатиот“ сторител го узурпира просторот со цел да си уреди плажа за престојната туристичка сезона, а надлежните молчат како и секогаш до сега – прашуваат од Лецива. (Крај)

извор: ОхридПрес фото: Левица

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука