Александра Јанева ја објави новата песна „Дождови“
Охрид, 12. февруари 2024 (ОХРИДПРЕС) – Македонската пејачка Александра Јанева ја објави новата песна наречена „Дождови“.
Музиката и текстот се на Лазар Цветкоски и Јанева, аранжман и продуцент повторно е Лазар Цветкоски, а видеото е работено со Горан Симјановски.
– Голем предизвик е да траеш на македонската музичка сцена толку години и да се трудиш да ги следиш сите актуелности, а сепак да останеш доследен на квалитетот кој за мене лично е многу важен. За овој проект вклучивме и нови, млади луѓе кои ни дадоа свежа енергија, вели Александра, која последните неколку години доживеа сериозен успех на македонската сцена.
Плени со убавиот глас и појава, но и внимателно одбраните песни, кои оставаат малку простор за грешка. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
