Календар на МПЦ: Свети маченици Евтропиј, Клеоник и Василиск

Охрид, 16. март 2024 (ОХРИДПРЕС) – Православните христијани денес го одбележуваат празникот посветен на Светите маченици Евтропиј, Клеоник и Василиск.

Му беа другари на светиот Теодор Тирон. Кога славниот Теодор славно и умре, тие останаа во затворот после него и уште долго не беа осудени, зашто се обавуваше смената на царскиот намесник во градот Амесија. Кога стигна новиот намесник, уште понечовечен од својот претходник, нареди и му ги изведоа овие тројца. Сите беа млади, Клеоник и Евтропиј беа родени браќа, а Василиск му беше роднина на свети Теодор. Но, според братската љубов меѓу нив како да беа тројцата браќа.

Така му рекоа и на намесникот: „Како што Светата Троица е неделива така и ние сме неделиви во верата и неразлачни во љубовта“. Сите ласкања на намесникот и сите обиди да го поткупи Евтропиј беа залудни. Тој прво го покани Евтропиј на вечера, но Евтропиј го одби со зборовите на Псалмот: „Блажен е оној човек кој не оди на совет безбожнички“ (Пс. 1,1). Потоа намесникот му понуди и огромно богатство – сто и педесет литри сребро – но Евтропиј и за ова го одби потсетувајќи го дека Јуда за сребро си ја изгуби душата. После сите обиди, малтретирања и мачења, Евтропиј и Клеоник беа осудени на смрт со распетие, а Василиск го убија со меч.

Му благодареа на Бога Којшто ги удостои да заминат во радоста на Неговото Царство, во кое му тргнаа во пресрет на својот војвода свети Теодор, прославен од Христа, Господ и Победникот. Чесно пострадаа во 308 година.

Тропар
Вас на кои Христос Бог ви е богатство и чест, сила и слава, вас кои великиот Теодор во верата ве просветли, вас по чии молитви Господ храмови идолски разруши и цркви подигна – Евтропиј, Клеоник и Василиск, денес ние верните во Христа ве молиме, за нас да се застапите, да добиеме простување од Бога и живот во век и веков. (Крај)

извор: mpc.org.mk фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука