Taylor Swift го претстави 11. студиски албум „The tortured poets department“
Охрид, 15. мај 2024 (ОХРИДПРЕС) – Една од најголемите музички поп ѕвезди на 21 век, Taylor Swift го претставува својот единаесетти студиски албум „The tortured poets department“, збирка соголени емоции спакувани во испеана поезија.
Во новата етапа од нејзината кариера, таа дозволува нејзиното страдање од тешкиот период од животот да биде преведено во меланхолични текстови и музика на продуцентот Jack Antonof.
Само два часа по објавувањето на 16 песни од новото издание, таа, без претходна најава, на слушателите им подари уште 15 комплетно нови нумери спакувани во едицијата „The tortured poets department: The Anthology“.
– Едно изненадување за вас во два часот по полноќ. „The tortured poets department“ е всушност двоен албум. Напишав толку многу поезија што сакав да ја споделам со вас, сподели пејачката на Instagram.
Албумот доаѓа по наградуваниот проект „Midnights“, крунисан со престижната Grammy награда, a музичарката во моментов е на нејзината голема светска турнеја „The Eras Tour“.
Апсолутно најдобриот музички избор го имате секојдневно, 24 часа на Број 1 медиумот во регионот, охридското Супер радио. Уживајте во музичкиот избор на еден од нашите дигитални канали – Happy radio: Cafe, Greatest Hits, Top 40 Hits, Македонски хитови, Ex Yu, Dance, Hip Hop, Balkan Mix, Lounge, Мак Класик, Love Songs и Smooth Jazz. Ако музиката е одговорот, прашањето е: Што ќе слушаме денес? Се’ што сакам да слушам на едно место – Клик PLAY и УЖИВАЈ! (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
