Здравје: Клима уредите да не се подесуваат на температура пониска од 21 степен

Охрид, 13. мај 2024 (ОХРИДПРЕС) – Во пресрет на топлите летни денови, информација дека неправилната употреба на клима-уредот може да биде опасна по здравјето.

Првата грешка што се прави е претераното ладење на просторијата. Разликата меѓу температурата во просторијата и надворешната температура не треба да биде поголема од 10 Целзиусови степени, а идеални се пет степени поладна просторија.

Но, ова правило не важи ако надвор е 40 степени. Тогаш температурата се поставува меѓу 21 и 26 степени. Под 21 степен веќе е екстремно ниска температура, која не е добра за здравјето.

Посебно треба да се внимава при влегување и излегување од топло на ладно и обратно.

Кога се излегува на отворено, треба да се исклучи климата и да се почека 10 минути, па да се излезе надвор. Обратно, кога се влегува дома, да не се вклучува веднаш клима, туку да се почека 10 минути за телото да се стабилизира. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука