Охридскиот Црвен крст и „Тамаро“ маркетите со акција за заштита од топлотниот бран: Вода и корисни совети за охриѓани

Охрид, 22. јуни 2024 (ОХРИДПРЕС) – Во овие жешки летни денови, продолжуваме со активности за превенција и заштита од топлотниот бран, информираат од Црвен крст Охрид.

– Волонтерите од Клубот на млади на Црвен крст Охрид и денес беа на фреквентните јавни места во Охрид, каде на нашите сограѓани и туристи, им делеа вода и даваа корисни совети за заштита од топлотниот бран. Акцијата ја помогнаа и маркетите „Тамаро“, уште еднаш истакнувајќи ја својата висока општествена одговорност, потенцираат од Црвен крст Охрид.

Додаваат дека продолжуваат со активностите за грижа за здравјето на нашите сограѓани и во наредните денови, за времетраење на топлотниот бран. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука