Здравје: Повеќе физичка активност, помалку болки во долниот дел на грбот

Охрид, 2. јули 2024 (ОХРИДПРЕС) – Многу луѓе имаат проблеми со болки во долниот дел на грбот. Иако повеќето ќе изберат да се одморат и да избегнуваат ненадејни движења за да ја избегнат болката, неодамнешно истражување покажа дека физичкото движење, особено одењето, може да помогне.

Според Psychology Today, сè повеќе истражувања покажуваат дека останувањето физички активни и избегнувањето на пасивен начин на живот ја намалува фреквенцијата на повторливи болки во грбот. Сепак, се советува дека ако чувствувате силна болка, треба да се консултирате со вашиот лекар пред да одлучите што е најдобро за вас.

Одењето ја намалува болката во грбот

Според истражувањето објавено оваа година во списанието The Lancet, одењето може да им помогне на луѓето со чести болки во долниот дел на грбот да ги чувствуваат овие болки поретко. Испитаниците во истражувањето беа поделени во две контролни групи. Во едната биле активни, додека во другата биле помалку активни кои не се движеле често.

Во истражувањето учествувале 700 возрасни лица со болки во долниот дел на грбот во текот на последните три години. Додека на пациентите кои не се движеле често им се повторувала болката приближно на секои три месеци, учесниците во студијата кои се движеле често, имале повторување на болката на секои шест месеци.

Пешачете најмалку 30 минути на ден, пет пати неделно

Научниците заклучија дека за да се намали болката во долниот дел на грбот, треба да пешачите најмалку 30 минутидневно, пет пати неделно. Во просек, луѓето кои пешачеле најмалку 30 минути пет дена во неделата имале 208 последователни денови без болка во споредба со 112 дена кај оние кои не се движеле со ваква динамика. (Крај)

извор: index.hr фото: index.hr

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука