Здравје: Сакате да го намалите салото на стомакот? Три вида месо кои треба да ги избегнуваме

Охрид, 25. јули 2024 (ОХРИДПРЕС) – Не е тајна дека исхраната игра клучна улога во контролата на тежината и целокупното здравје.

Акумулацијата на маснотии е значаен фактор на ризик за различни здравствени состојби, вклучувајќи срцеви заболувања, дијабетес тип 2 и метаболички синдром. Маснотиите на стомакот често се поврзуваат со висцералните маснотии, кои ги опкружуваат внатрешните органи и може да доведе до сериозни здравствени проблеми. Храната што ја јадеме, а особено видовите месо што ги консумираме, може да придонесат или да помогнат во намалувањето на овие опасни маснотии.

Одредени меса се познати по тоа што содржат многу нездрави масти, калории, натриум и конзерванси, а сето тоа може да придонесе за зголемување на телесната тежина и таложење на маснотии на стомакот. Со цел да се одржи здрава тежина и да се намали салото на стомакот, важно е да се направи избор на храната. Затоа, диететичарот и нутриционист Catherine Gervacio издвои три вида месо кои треба да ги избегнуваме или барем да ги ограничиме.

Виршли

За време на сезоната на скара, виршлите се еден од најпопуларните избори, но можат да бидат проблематични за нашето здравје.

– Виршлите се често богати со заситени масти, натриум и конзерванси. Затоа, тие придонесуваат за зголемен внес на калории и воспаленија, што резултира со складирање на маснотии, вели диететичарот. За поздрава алтернатива тој предлага посно месо како пилешки или мисиркини гради.

Сланина

Иако повеќето од нас го сакаат, ова вкусно месо е исклучително високо со маснотии, што го прави еден од главните виновници за салото на стомакот.

– Тоа придонесува за значително акумулирање на маснотии на стомакот поради неговата висока калориска густина, објаснува Gervacio. За поздрава алтернатива, тој препорачува посно свинско филе подготвено со минимална количина на масло.

Салама

Прекумерната потрошувачка на сувомеснати производи, како што се саламите, не е добра идеја за оние кои сакаат да ослабат.

– Содржат многу натриум и заситени масти. Високата калориска густина и натриум доведуваат до надуеност и зголемување на телесната тежина, заклучи Gervacio. (Крај)

извор: index.hr фото: index.hr

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука