In Memoriam: Почина професорот Томе Батковски
Охрид, 28. јули 2024 (ОХРИДПРЕС) – На 71-годишна возраст, во Охрид почина професор д-р Томе Батковски, истакнат општественик, експерт од областа на безбедноста и автор на повеќе научни трудови.
Батковски е роден 1952 година во Охрид. По завршувањето на Факултетот за политички науки во Белград, во 1975 година, го продолжува своето професионално усовршување преку магистерски и подоцна докторски труд на Факултетот за безбедност Скопје во 1993 година.
Со над 30-тина објавени трудови, професионални настапи од областа на тероризмот и контраразузнавањето, проф. д-р Томе Батковски даде сериозен придонес во поставувањето и оддржувањето на националната безбедност на Македонија и пошироко на Балканот. Пренесувањето на неговото знаење како вонреден професор на Факултетот за безбедност, обезбеди многу генерации млади кадри со практично и теоретско знаење од областа на организираниот криминал и терористичко дејствување.
Посмртните останки на Томе Батковски ќе бидат изложени во капелата на Градските гробишта во Охрид, денеска во периодот од 12:00 до 12:30 часот. (Крај)
извор: Либертас.мк фото: Либертас.мк
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
