Над 100 учесници од 14 земји за најуспешното издание на Lake Ohrid SUP Crossing

Охрид, 19. август 2204 (ОХРИДПРЕС) – Со учество на над 100 лица од 14 земји, се одржа супер успешно издание на Lake Ohrid SUP Crossing.

– Оваа година имавме 3 категории и тоа, трка на 23 километри за веслачи со тврди даски и даски на дување, како и авантура долга 26 километри за рекреативни веслачи. Апсолутен победник во професионалната трка на 23 километри кај мажите и оваа година беше Словенецот Лука Кожар, со време од 2 часа и 31 минути, а кај девојките победи 16-годишната Лена Новак од Полска со време од 2 часа и 41 минути. Во трката со даски на дување најбрзо време кај мажите имаше Горан Смирчич од Хрватска, 3 часа и 2 минути, а најбрза кај жените беше Тунде Моравцик од Унгариja со време од 3 часа и 16 минути, информираат органиазторите.

Додаваат дека сите веслачи успешно стигнале до целта без потешкотии и без откажувања. (Крај)

извор: ОхридПрес фото/видео: Paddle Klub

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука