Летен ден во септември во Охрид (Фото)

Охрид, 27. септември 2024 (ОХРИДПРЕС) – Вистински летен ден денеска во преубавиот Охрид, со температура од околу 27 степени Целзиусови.

Бројни охриѓани и гости уживаа во прошетка по езерскиот кеј или во некои од угостителските објекти.

Според метеоролозите и утре ќе се задржи сончево и топло време.

– Во недела под влијание на влажна и постудена воздушна маса од север ќе настапи позначителна промена на времето. Ќе има повремени врнежи од дожд со локална појава на грмежи и силен ветер. И во понеделник ќе дува засилен северен ветер, а дневната температура значително ќе се намали (за 8 до 10 степени). Потоа во следните два дена времето ќе биде сончево со ниски утрински температури, а дневните ќе бидат во постепен пораст, информираат од Управата за хидрометеоролошки работи на Република Македонија (УХМР). (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука