Патрик Клајверт нов спортски директор на ПСЖ

Париз, 17. јули 2016 (ОХРИДПРЕС) – Управата на ПСЖ соопшти дека поранешниот холандски репрезентативец Патрик Клајверт е назначен за нов спортски директор на францускиот шампион.

Патрик Клајверт кој славата ја стекна во Ајакс и Барселона,по завршувањето на професионалната кариера беше селектор на Куракао и помошник на Луј ван Гал во холандската репрезентација.

Клубот соопшти дека Клајверт ќе има значајна улога во домашниот и меѓународниот развој и дефинирањето на долгорочната стратегија на клубот. (Крај)

извор: Спорт ТА фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука