Од полноќ поскапуваат бензините и Екстра лесното масло за домаќинство
Скопје/Охрид, 9. ноември 2020 (ОХРИДПРЕС) – Од ноќеска на полноќ поскапуваат бензините и Екстра лесното масло за домаќинство.
Согласно одлуката на Регулаторната комисија за енергетика, бензините Еуросупер БС-95 и Еуросупер БС-98 и Екстра лесното масло за домаќинство поскапуваат за половина денар. Малопродажните цени на Еуродизелот останува непроменета. Малопродажната цена на Мазутот М-1 НС се зголемува за 0,365 денари за килограм и ќе изнесува 26,196 денари.
- Моторен бензин – ЕУРОСУПЕР БС – 95 – 58,50 денари/литар
- Моторен бензин – ЕУРОСУПЕР БС – 98 – 60,50 денари/литар
- Дизел гориво – ЕУРОДИЗЕЛ БС (Д-Е V) – 49,50 денари/литар
- Масло за горење – Екстра лесно масло за домаќинство (ЕЛ-1) – 49,50 денари/литар
Овие цени ќе важат во наредните седум дена. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
