Првиот викенд по календарскиот почеток на летото го исполни Охрид со гости
Охрид, 27. јуни 2021 (ОХРИДПРЕС) – Првиот викенд по календарскиот почеток на летото го исполни Охрид со гости и најави дека ќе имаме добра туристичка сезона.
Топлото време придонесе денеска плажите да бидат полни како во шпицот на сезоната.
Се бараше место повеќе по сите плажи, а особено по оние кои по ослободувањето од објектите на нив, граѓаните имаат слободен пристап, што придонесе денеска да бидат исполнети скоро до последното место.
Долгото топло лето е пред нас, Охрид е подготвен да ги пречека сите туристи. Забележително беше присуството на гости од Србија и Албанија, а од домашните доминираа гостите од Скопје, Битола, Гостивар и останатите градови од државата. (Крај)
извор: ОхридПрес фото: ОхридПрес
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |