Интензивни активности на ЈП „Охридски Комуналец”

Охрид, 30. март 2022 (ОХРИДПРЕС) – ЈП „Охридски Комуналец” деновиве реализира интензивни теренски активности за уредување и чистење на јавните површини.

Екипите на работната единица „Паркови и зеленило“ вршат засадување на нови цветни насади на повеќе локации во градот и покрај пешачката патека до Горица. Исто така, се спроведуваат активности за прихрана на тревниците и дрворедите како и обновување на зелените површини.

По должина на улицата „Питу Гули“ се спроведуваат активности за уредување на дрворедот. Во зависност од потребите, секојдневно се врши подигнување на кабаст отпад, што несовесни граѓани го исфрлаат на несоодветни места. (Крај)

извор: ОхридПрес фото: Општина Охрид

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука