Петар Колев од ГДУ за БГНес: Ќе се стави плоча на тврдината во Охрид дека цар Самуил е Бугарин и ќе влеземе во ЕУ

Софија, 31. март 2022 (ОХРИДПРЕС) – Сценариото ќе биде вакво: по овој попис Бугарите се незначителен дел од општеството и нема да има потреба од отворање на Уставот. Најверојатно наскоро ќе слушнеме како историската комисија договорила цар Самуил да е цар на Бугарија. Најверојатно на тврдината во Охрид ќе биде поставена плоча на која ќе биде прогласен за крал на Бугарите.

Ова во интервју за БГНес го изјави Петар Колев од партијата ГДУ. Според него, потоа се очекува да се отстранат 10-15 табли што пишуваат за бугарскиот фашистички окупатор и тој повеќе нема да биде Бугарин, туку ќе биде само фашист.

– Бидејќи има 3.500 Бугари, нема потреба од промени во Уставот и го решивме проблемот со Бугарија и Бугарија ќе биде доведена во ситуација да ја крене бариерата за Maкедонија и да започне преговори за ЕУ, изјави Колев.

Според него пописот бил „брутален фалсификат и кршење на основните човекови права, како што е правото на самоопределување на граѓаните на Македонија“.

– Не е важно дали се работи за Бугари, дали ќе одат на попис, на парламентарни избори или на фудбалски натпревар. Официјално се 3.500. Нашата партија лани учествуваше на парламентарните избори и ги доби фамозните 3.555 гласа. После една година има попис во Република Македонија и Бугарите се бројат како 3.504. Следно што очекувам е дека ако има фудбалски натпревар, тогаш статистиката да биде дека 3.517 Бугари го гледале овој фудбалски натпревар во Македонија. Сето ова ќе беше смешно да не беше жално и да не беше трагично, рече Колев.

Тој се надева дека сега ќе се запалат светилките на некои луѓе во Бугарија кои носат важни политички одлуки. (Крај)

извор: Инфомакс фото: Инфомакс

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука