Пет причини за ран избор на физикална терапија за третирање на болката

Охрид, 12. октомври 2022 (ОХРИДПРЕС) – Доколку доживеете повреда или развиете болка, раната и навремена посета на физиотерапевт може да ви помогне да ги решите и да се справите со вашите симптоми.

Физиотерапевтите се експерти за движење кои ја третираат болката преку практична нега, едукација на пациентот и пропишано движење.

Физиотерапевтот може да ви помогне да:

– Се опоравите безбедно и без страв дека ќе предизвикате дополнителна повреда.
– Останете физички активни и да ги избегнете трошоците и потенцијалните ризици од операции и користењето на опиоидите.
– Закрепнете што е можно поскоро.
– Избегнете други проблеми предизвикани од промените што ги прави вашето тело за да избегне болка.
– Постигнете ги вашите цели.

Акутна наспроти хронична болка

Акутна болка. Вообичаено, првите две до три недели по повредата се нарекуваат акутна фаза. Во оваа фаза, полесно е да се дијагностицира и да се лекува болката.

Хронична болка. Болката која трае подолго од три месеци се смета за хронична. Идентификувањето на причината за хроничната болка е покомплицирано, а лекувањето на хроничната болка трае подолго. Една неодамнешна студија, објавена во мај 2020 година во Archives of Physical Medicine and Rehabilitation, покажа дека луѓето кои добиваат физикална терапија на почетокот на болките во долниот дел на грбот имаат многу подобри резултати од оние кои чекаат. Други студии, како статија од октомври 2015 година објавена во JAMA и статија од јули 2020 година објавена во The Mental Health Clinician, покажаа дека раната физикална терапија ја подобрува попреченоста и ја намалува болката, а со тоа и ја намалува потребата од земање на лекови против болка.

Раната посета на физиотерапевт, во акутната фаза на болка или повреда, често води до најдобри резултати. Еве пет придобивки од рана посета на физиотерапевт доколку се соочувате со болка.

1. Опоравете се безбедно и без страв дека ќе предизвикате дополнителна повреда

Болката може да ве натера да избегнувате активност поради страв да не предизвикате поголема штета. По темелна проценка, вашиот физиотерапевт ќе направи персонализиран план за нега врз основа на вашите потреби и цели за:

– Подобрување и справување со вашата болка.
– Безбедно подобрување на движењето, функцијата и квалитетот на животот.
– Закрепнување од повреди и спречување на идни повреди.

Физиотерапевтите често работат со други членови на вашиот тим за здравствена заштита за да обезбедат најдобра можна грижа.

2. Останете физички активни за да ги избегнете трошоците и потенцијалниот ризик од операција и опиоиди

Кога ќе се појави повреда или болка, нашето тело влегува во режим на заштита. Често, луѓето со болка целосно избегнуваат да се движат. Но, избегнувањето на сите активности може да го одложи закрепнувањето и да доведе до нови проблеми.

За да се опоравите од повеќето причини за болка, важно е да продолжите да се движите. Активниот начин на живот кој е соодветен за вашата состојба може да ви помогне да се справувате со симптомите и да ја намалите или елиминирате болката. Физиотерапевтот ќе ви помогне:

– Да ја разберете вашата болка.
– Да поставете реални очекувања за вашето закрепнување.
– И ќе ви подготви персонализиран план со вежби специфични за вашата состојба, потреби и цели.

Физикалната терапија може да ви помогне да ја избегнете или одложите операцијата и може да ви помогне правилно да се подготвите за операција, доколку е потребно. Физикалната терапија, исто така, се препорачува од Центрите за контрола и превенција на болести како безбедна и ефикасна алтернатива на опиоидите за справување со повеќето болки кои не се поврзани со канцер. Физиотерапевтот може да ви помогне да ја разберете употребата на лековите кои што се најдобри за вашата состојба и да ви покаже безбедни начини за намалување на болката.

3. Закрепнете што е можно поскоро

Оние кои бараат нега во период од две недели после повредата или појавата на болката, може да бараат помала грижа. Покрај лекувањето на вашата болка, вашиот физиотерапевт ќе ви помогне подобро да ги разберете вашите симптоми и да обезбеди стратегии за справување со болката и закрепнувањето, веднаш штом дозволува вашата состојба.

4. Избегнувајте други проблеми предизвикани од хронична болка

Кога болката трае, тогаш може да развиеме нови модели на движење за да ја избегнеме. Како резултат на тоа, може да развиете дополнителни проблеми за кои е потребно повеќе време и напор за лекување и враќање во нормала. Проблемите што може да се развијат вклучуваат:

– Вкочанетост.
– Губење на сила и издржливост.
– Зголемена чувствителност и фреквенција на болка.

Посетувањето физиотерапевт на почетокот на болката може да спречи таа да стане хронична.

5. Постигнете ги вашите цели

Движењето е од клучно значење за вашето здравје, квалитетот на животот и независноста. За некои луѓе, болката го прави движењето предизвик. Вашиот физиотерапевт може да разговара за вашите цели и да работи со вас за да Ви подготвпрограма за нивно постигнување, за да можете да се вратите на посакуваните активности или спорт што е можно поскоро.

Физиотерапевтите се експерти за движење кои ја третираат болката преку практична нега, едукација на пациентот и пропишано движење. Можете директно да контактирате со физиотерапевт за евалуација.

Да ја победиме болката без лекови!

Центарот за физикална терапија „Валео“ се наоѓа на улицата „АСНОМ“, во населбата „Бејбунар“. Телефонот е 071/506-818. Повеќе детали за тековните акции, понудата и промоциите на нивната официјална страна на Facebook. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука