Отворен планинарски дом „Троуглеш“ на Галичица

Охрид, 13. декември 2022 (ОХРИДПРЕС) – Во организација на здружението на планинари „Великамен“, а по повод Светскиот ден на планината – 11-ти декември, минатата недела беше свечено отворен планинарскиот дом „Троуглеш“.

И покрај врнежливото време, на отворањето присуствуваа планинари, вљубеници на планината и планинските спортови од Охрид, Елшани, Пештани, Шипокно, Вевчани и планинарското друштво од Битола „Festina Lente„.

Планинарскиот дом „Троуглеш“ е отворен за сите љубители на планината кои што сакаат да уживаат во природа. Домот е катче за релаксација со прекрасен поглед на Галичица и Охридското Езеро. (Крај)

извор: Павел Донески фото: Павел Донески

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука