Бројни спортски настани викендов во Охрид
Охрид, 24. февруари 2023 (ОХРИДПРЕС) – Богат спортски викенд за охридските ракометари, фудбалери и кошаркари.
Кадетите на ГРК Охрид утре од 18:00 часот во салата „Билјанини извори“ играат „езерско“ дерби, сениорите пак в недела гостуваат кај кавадаречки Тиквеш, во третото коло од плејофот.
Фудбалерите на Охрид Лихнидос утре ги продолжуваат натпреварите во пролетната полусезона во Втората македонска фудбалска лига. Од 14:00 часот на домашен терен ја пречекуваат екипата на Вардар, додека кошаркарите од 15:00 часот играат дерби со екипата на Црн Дрим од Струга. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
