CS:GO тимот AIRLYA на охриѓанецот Александар „CacaNito“ Ќулукоски оди на Светското првенство во Романија

Скопје/Охрид, 26. март 2023 (ОХРИДПРЕС) – Тимот AIRLYA во кој членува и охриѓанецот Александар „CacaNito“ Ќулукоски ќе учествува на Светското првенство во Романија, откако двократните европски и светски прваци, трета година по ред ја потврдија доминацијата на македонската Counter-Strike: Global Offensive (CS:GO) сцена.

– Момците ги победија Crysis esports 2:0 во мапи. Романија, доаѓаме по уште едно злато, порачаа од Македонската Еспорт Федерација.

Покрај нашиот „CacaNito“, во тимот AIRLYA се и Дамјан „kyxsan“ Стоилковски, Павле „stYleEeZ“ Стојановски, Даниел „dan1“ Глигоров, Јане „aidKiТ“ Апостолоски, Aндреј „Necrogenes1s“ Манчески и Зоран „xicoz“ Марковски.

Во декември минатата година, Македонската CS:GO репрезентација беше најдобра на Светското првенство на Меѓународната е-спорт федерација (МЕСФ) кое се одржа offline во Бали, Индонезија. Во финалето, Македонија со 3:1 беше подобра од Монголија, односно тимот „IHC“. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука