Младите веслачи од клубот „Горица Ремо“ го одржаа првиот тренинг со тренерот Александра Маленко, за нив инспиративно и охрабрувачко искуство

Охрид, 29. јули 2023 (ОХРИДПРЕС) – Првиот офијален тренинг на Веслачкиот клуб „Горица Ремо“ Охрид, предводен од Александра Маленко, поранешна репрезентативка на Република Македонија во веслање, не беше ништо помалку од инспиративно и охрабрувачко искуство.

– Програмата за иницијална обука се состоеше од првично запознавање со комлексноста на овој спорт и неговите технички карактеристики. Новите членови на ВК „Горица Ремо“ имаа можност да влезат во дубл скул под надзор на тренерот Александра Маленко, со што официјално се обнови континуитетот на веслањето во Охрид. Нејзиниот пристап не е само кон градење силни веслачи, туку и поттикнување на чувството за другарство меѓу членовите на клубот, создавајќи чувство на припадност кон едно семејството на веслачи. Надвор од физичкиот аспект, Маленко ја истакна важноста на менталната подготвеност и психичките аспекти на овој спорт. Таа сподели анегдоти од нејзините денови како активен веслач-натпреварувач, информираат од клубот.

Додаваат дека со завршувањето на првиот тренинг под водство на Александра Маленко, веслачите ги напуштиле водите на Охридското Езеро со новопронајдено чувство за цел и одлучност.

– Тие знаат дека нивното патување со неа штотуку започна и во очите им се гледа подготвеност да се соочат со секој предизвик што им претстои. Со успешен ментор како Маленко на чело, клубот допрва ќе ги бранува водите во Македонија, регионот и Европа, потенцираат од „Горица Ремо“. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука