Од денеска цените на сите зони за паркинг во Охрид ќе бидат 30 денари за час
Охрид, 1. октомври 2023 (ОХРИДПРЕС) – Согласно одлуката за дополнување и изменување на одлуката за утврдување на цени за користење на паркинг простори од декември 2022 година, ЈП „Билјанини Извори“ од Охрид ги известуваат граѓаните дека од денеска, 1 . октомври ќе има измена на цените на паркинг услугите кои ние ги стопанисуваат.
– Од 1 октомври цените на сите зони, вклучувајќи ја и Премиум зона, ќе изнесуваат 30 денари за секој еден час паркирање на јавно паркиралиште со кое ние стопанисуваме. За потсетување досегашните цени за користење на зона А и Б изнесуваа 40 денари за еден час паркинг додека зона Премиум 100 денари за еден час паркинг. Измената важи за период од 01.10.2023 до 31.03.2024 година, информираат од претпријатието.
Воедно испраќаат молба до сите идни корисници да пристапуваат совесно и да ги почитуваат правилата и одлуките на ЈП „Билјанини Извори“ и Советот на градот Охрид. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
