Свети апостоли Стахиј, Амплиј, Урван, Наркис, Апелиј и Аристовул

Охрид, 13. ноември 2023 (ОХРИДПРЕС) – Православните христијани го прославуваат денешниот ден во чест на Свети апостоли Стахиј, Амплиј, Урван, Наркис, Апелиј и Аристовул.

Од Седумдесетте. Свети Стахиј му беше помошник на свети Андреј Првоповикан. Свети Андреј го постави за епископ во Византија. Ја устрои Црквата во Аргиропол и со своето стадо управуваше верно и ревносно.

По седумнаесет години епископство се упокои мирно во Господ. Амплиј и Урван исто така соработуваа со свети Андреј и од него беа поставени за епископи, и тоа Амплиј во Лида или Диоспол Јудејски, а Урван во Македонија. Обајцата пострадаа маченички за Господа Исуса Христа.

Наркис беше поставен од апостолот Филип за епископ во Атина. Свети Апелиј беше епископ во Ираклија Тракиска. Аристовул, брат на Варнава, ја проповедаше Христовата вера во Британија и таму се упокои мирно. (Крај)

извор: Слободен печат фото: Слободен печат

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука