Османи, Димитриевски и Таравари собрале над 10.000 потписи за влез во претседателската трка

Скопје, 28. февруари 2024 (ОХРИДПРЕС) – Продолжува собирањето потписи за кандидатите претенденти за влез во трката за прв човек на државата.

Заклучно со синоќа до 20:00 часот собрани се вкупно 48.621 потписи, а за тројца кандидати се потпишале над 10.000 граѓани. Бујар Османи има 11.028, Максим Димитриевски 10.700, а Арбен Таравари 10.083. Билјана Ванковска има 7.876 граѓански потписи, Стевчо Јакимовски 6.676, додека останатите кандидати имаат под илјада потписи.

Кандидатите на СДСМ и ВМРО-ДПМНЕ, Стево Пендаровски и Гордана Силјановска Давкова немаат потреба од потписи, бидејќи во претседателската трка ќе влезат со 30 пратенички потписи. Но, сепак од нивните таботи најавија дека и тие ќе собираат потписи од граѓаните.

Собирањето потписи ќе трае до 8 март. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука