Снег на повисоките места, бело е во Горна Белица, Вевчани, Дебрца… (Фото/Видео)
Охрид/Струга, 21. април 2024 (ОХРИДПРЕС) – Денешниот ден донесе промена во временската состојба и снег на повисоките места.
Според фотографиите и видеата објавени на социјалните мрежи утрово е бело во струшка Горна Белица, но и во повеќе региони на Дебрца и повисоките места.
Вевчани
Posted by Boro Peshinoski on Sunday, April 21, 2024
Денес на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер.
– Поради спуштање на постудена воздушна маса на планините врнежите повремено ќе преминуваат во снег и ќе се формира нова снежна покривка, информираат од Управата за хидрометеоролошки работи на Република Македонија (УХМР).
Во Охрид денес променливо облачно и посвежо време со повремени врнежи од дожд. Ќе дува слаб до умерен ветер од северен правец. Максималната температура ќе се искачи до 13. степени.
– Продолжува периодот на променливо облачно време со повремени локални врнежи од дожд. Денес и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер. Поради спуштање на постудена воздушна маса денес на планините врнежите повремено ќе преминуваат во снег и ќе се формира нова снежна покривка, информираат од УХМР.
Сообраќајот на државните патишта се одвива непречено, пo претежно влажни коловози, информираат од Авто мото сојузот на Република Македонија (АМСМ). (Крај)
извор: ОхридПрес фото: Ratko Stefanovski видео:Стевчо Недески/Boro Peshinoski
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |