Судски Совет: Неспорна е пријавата за избор на Александра Поп Стефанија, судија на Основен суд Охрид 

Скопје/Охрид, 24. јуни 2024 (ОХРИДПРЕС) – Судскиот Совет на Република Македонија денеска донесе одлуки за престанок на повеќе судии поротници на Основен суд Струга поради истек на мандатот, а беа и избрани нови судии поротници во судот во Струга.

На денешната седница беше разгледан и Извештајот на Комисијата за рангирање на кандидатите за избор на десет судии во Апелационен суд Скопје при што Советот донесе одлуки дека се неспорни пријавите на судиите Бетим Јахја, судија на Основен суд Тетово, Бранка Наумоска, судија на Основен кривичен суд Скопје, Александра Поп Стефанија, судија на Основен суд Охрид и Јана Нацевска, судија на Основен граѓански суд Скопје.

Советот донесе одлука постапката за овие четворица судии да продолжи, а комисијата понатаму да ја спроведе постапката. (Крај)

извор: nezavisen.mk фото: Б. Грданоски

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука