Ретроспективна изложба на слики од Вангел Наумовски по повод 100 години од неговото раѓање

Охрид, 30. јули 2024 (ОХРИДПРЕС) – По повод 100 години од неговото раѓање, а во чест на големиот празник Илинден, ќе се одржи ретроспективна изложба на слики од Вангел Наумовски.

Со овој настан ќе бидат одбележани и 70 години од неговата прва самостојна изложба.

Поздравни говори ќе одржат Рубенс Наумовски, градоначалникот на Охрид Кирил Пецаков, како и Јордан Плевнеш. Ќе бидат прикажани инсерти од архивски видео материјали – Кирил Темков со Вангел за Вангел, а музичко интермецо ќе одржи Владимир Четкар.

По традиција, од 1987 година манифестацијата започнува на 1-ви август во 24:00 часот, а ќе се одржи во домот/галерија на Вангел Наумовски „Охридска порта – Љубица“, на улица „8.Септември“ број.3. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука