Успешно реализирана кампањата за прва помош на Црвен крст Охрид

Охрид, 3. ноември 2022 (ОХРИДПРЕС) – Во текот на месец октомври волонтерите, демонстраторите и обучените за прва помош и вработените од Црвен крст Охрид ја реализираа кампањата за прва помош.

– Пет викенди првата помош беше промовирана како еден од најзначајните сегменти на работа на движењето на Црвениот крст, но и како сет од знаења и вештини кој што секој граѓанин треба морално да го поседува, велат од организацијата.

Кампањата беше дел од програмските активности на Црвен крст Охрид за информирање на населението и зголемување на нивната хуманост. Најавија дека ќе следуваат и други активности поврзани со првата помош. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука