ОУ „Григор Прличев“ блесна во новогодишно руво

Охрид, 15. декември 2022 (ОХРИДПРЕС) – Учениците во ОУ „Григор Прличев“ заедно со нивните родители ги декорираа просториите и го претворија објектот како од бајка, во пресрет на новогодишните празници.

– Волшепството започнува од кај нас… нека магичната атмосфера ве поведе и ајде заедно со нас да ѝ се радуваме на НОВАТА… за среќа во НЕА…Навистина е ова најубавото време од годината, кога има само насмевки и убави мисли, кога секој секому му посакува само убаво… кога сакаме среќата да ја споделиме, кога сакаме себе си да си посакаме желба, но и кога другаруваме и кога радост насекаде делиме.Магичната сказна во нашиот град, која го краси нашето училиште, започна од #Прличевци… за кои нивните родители, пак, ја создадоа оваа прекрасна бајка од декорирани училишни простории, велат од училиштето.

Со ова Советот на родители во училиштето го започна проектот „Подари СРЕЌА за среќна НОВА“.

Најавуваат дека наскоро ќе се одржи и новогодишен базар, што ќе ги стопли срцата не само на #Прличевци туку и на сите оние кои сакаат да ја почувствуваат волшебната приказна која ја плете Новата Година. (Крај)

извор: ОхридПрес фото: ОУ „Григор Прличев“

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука