Билтен на СВР Охрид: Малолетник од Охрид се самоповредил со воздушен пиштол

Охрид, 14. февруари 2023 (ОХРИДПРЕС) – На 13-ти февруари 2023 година, во 14:50 часот, во СВР Охрид било пријавено дека во Општа болница Охрид со повреда бил донесен малолетник од Охрид.

– Според пријавеното, тој сам се повредил при ракување со воздушен пиштол. Подоцна, со судска наредба, бил извршен претрес во домот на малолетникот, при што биле пронајдени и одземени пиштолот, неколку дијаболи и потврда за пријавено пневматско оружје. Исто така, во Полициска станица бил извршен службен разговор со родителите на малолетникот, а по целосно документирање на случајот ќе следи соодветен поднесок, информираат од СВР Охрид. (Крај)

извор: СВР Охрид фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука