Започна второто издание на фестивалот на виното „Ohrid Wine Festival“
Охрид, 22. јуни 2023 (ОХРИДПРЕС) – Вечерва започна второто издание на фестивалот на виното „Ohrid Wine Festival“.
Бројни охриѓани, но и многубројни гости уживаа на кеј „Македонија“ во музиката, но и одбраните вина од најпознатите македонски вински компании, но и повеќе мали семејни винарии, како од Охрид така и од Република Македонија.
Музичката програма е составена исклучиво од домашни изведувачи. Вечерва на отварањето на фестивалот сцената ќе ја делат групата Баклава, Миле Кузмановски и Куку Леле.
Утре настапуваат Luger, Brass Brothers, The Backdoor Band како и легендарните Нокаут, а в сабота настапува Александар Јосифовски, Фиц енд Д’ инвизиблс (Студени нозе Greatest hits) и Фанк Шуи. Сите денови резидент диџеј ќе биде RootBoy Selector.
Забавите ќе започнуваат од 18:00 и ќе траат до 01:00 часот. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
