Охрид полн со гости на последниот викенд во август, колони возила кон најпопуларните плажи на кои уживаат бројни гости (Фото)

Охрид, 27. август 2023 (ОХРИДПРЕС) – Охрид го живее последниот викенд од август, со исклучително топло време, но и солидно исполнети плажи и колони возила како во шпицот на сезоната.

Атмосферата е буквално како на средина на летото, иако сме на само неколку дена од 1. септември, новиот месец и самиот почеток на новата школска година.

Погледнете како изгледаше денеска плажата „Метропол“, една од најпопуларните и ова лето во туристички Охрид.

Бројот на гостите е намален, но се’ уште ги има во голем број, особено за овој дел од летото. Се очекува попладнево и во вечерните часови, голем дел од гостите да го напуштат Охрид кој ја живее една од најдобрите летни сезони последните години. Дел секако ќе ги искористат и спојат и утрешниот неработен ден, во чест на православниот празник посветен на Успение на Пресвета Богородица (Голема Богородица).

За ова придонесоа и високите температури, а метеоролозите и за следните денови најавуваат сончево и топло време со температури над 30. степени. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука