Дамјан повторно: „Cose della vita“ на Eros Ramazzotti со Roberto Tiranti во живо во Хрватска (Видео)

Охрид, 28. септември 2023 (ОХРИДПРЕС) – По безвременска изведба на незаборавната „Caruso“ од Lucio Dalla, врвниот охридски гитарист Дамјан Пејчиновски, заедно со еден од најдобрите вокали во Италија Roberto Tiranti сними уште една песна, овој пат одличната „Cose della vita“ на Eros Ramazzotti.

Roberto Tiranti e еден од најдобрите гласови во Италија, со неверојатен опсег на гласот. Има настапувано со имиња како Eros Ramazzotti, Gianni Morandi, прогресив рок бендот Labyrinth и многу други.

– Без многу подготовки, ја снимивме песната непосредно пред еден настап и се надевам дека ќе Ви се допадне оваа акустична верзија, напиша Дамјан на неговиот официјален профил на Facebook.

Песната „Cose della vita“ е оригинално снимена во далечната 1993 година од познатиот италијански пејач и композитор Eros Ramazzotti, како дел од неговиот петти студиски албум „Tutte storie“. Оваа незаборавна песна доби уште еден момент на слава четири години подоцна, во 1997 година, кога доби италијанско-англиска верзија, заедно со американската пејачка со светска слава Tina Turner. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука