Нашиот Дамјан Пејчиновски и Roberto Tiranti со безвременска изведба на „Caruso“ на зајдисонце на Шолта, Хрватска

Охрид, 23. септември 2023 (ОХРИДПРЕС) – Охридскиот гитарист со светска слава Дамјан Пејчиновски, заедно со еден од најдобрите вокали во Италија Roberto Tiranti, човекот кој има настапувано со имиња како Eros Ramazzotti и Gianni Morandi, на зајдисонце на островот Шолта во Хрватска, снимија безвременска изведба на незаборавната „Caruso“ од Lucio Dalla.

– „Caruso“ – една од најубавите италијански песни во Martinis-Marchi марината. Беше вистинско задоволство да се настапува овде два дена со мојот пријател и неверојатен пејач Roberto Tiranti. Тој е еден од најдобрите гласови во Италија, со неверојатен опсег на гласот. Има настапувано со имиња како Eros Ramazzotti, Gianni Morandi, прогресив рок бендот Labyrinth и многу други.

Италијанскиот пејач и автор Lucio Dalla ја напиша „Caruso“ во 1986 година и е посветена на познатиот италијански тенор Enrico Caruso.

Уживајте во безвременската изведба на оваа незаборавна песна на нашиот Дамјан и Roberto Tiranti.

извор: ОхридПрес фото/видео: Дамјан Пејчиновски

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука