Во првите девет месеци од годинава, седум лица го загубија животот во сообраќајни незгоди на подрачјето на СВР Охрид
Охрид, 17. ноември 2023 (ОХРИДПРЕС) – Со засадување цвеќе во кругот на СВР Охрид и со испуштање црни балони на плоштадот „Св. Климент Охридски“ во Охрид, Републички совет за безбедност на сообраќајот на патиштата (РСБСП) и СВР Охрид-отсек за превенција, денеска во Охрид, симболично го одбележаа 17-ти ноември, Светскиот ден на сеќавање на жртвите во сообраќајот.
– Во текот на 2022 година, на патиштата во земјава, животот го загубиле 124 лица, порача претседателката на РСБСП, д-р Гордана Кожуваровска.
Како што истакна портпаролот на СВР Охрид, м-р Стефан Димоски, на подрачјето на СВР Охрид, во текот на првите девет месеци од оваа година, во случени седум сообраќајни незгоди, животот го загубиле седум лица, возачи на моторни возила и нивни сопатници од кои, две на автопатот во изградба Кичево-Гостивар.
Кожуваровска и Димоски, упатија апел до возачите и до сите други учесници во сообраќајот, на крајна внимателност при управувањето со моторните возила и почитување на поставената хоризонтална и верикална сигнализација со цел, значително подигнување на сообраќајната безбедност и смалување на бројот на сообраќајните незгоди. (Крај)
извор: ОхридПрес фото: архива
@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |