Рама: За неколку недели ќе биде готов дел од патниот правец Елбасан-Ќафасан (Видео)
Тирана/Охрид, 21. февруари 2024 (ОХРИДПРЕС) – Премиерот на Албанија Еди Рама на неговиот профил на Facebook објави видео од градежните работи кои се одвиваат на дел од патниот правец кој ќе води од градот Елбасан до Граничниот премин „Ќафасан“ со Република Македонија.
– Истиот е дел од Европскиот Коридор VIII. Започна асфалтирањето на делницата и целиот зафат на овој потег треба да биде готов за неколку недели и ќе може да се користи, напиша Рама.
Неофицијално, работата на овој потег започна пред околу една година. Станува збор за потег од околу 6 километри, а целиот зафат до границата со Република Македонија треба да заврши за околу две години.
MIRËMËNGJES 😊
dhe me këto pamje nga Loti 1 i aksit rrugor Elbasan-Qafë Thanë pjesë e Korridorit VIII Europian, ku ka nisur asfaltimi dhe brenda pak javësh do të jetë gati për qarkullimin e automjeteve, ju uroj një ditë të mbarë🙏
Posted by Edi Rama on Monday, February 19, 2024
Со ова уште повеќе ќе се подобри патната инфраструктура од албанска страна кон Македонија. OhridPress неодамна објави кратка репортажа за патниот правец кој води до влезот во Македонија и граничниот премин кај Св. Наум.
Од албанска страна е изграден современ пат и пешачко/велосипедски патеки, кој пред Тушемиште се разгранува на два дела и едниот води покрај езерото кон Поградец и натаму, а другиот на кој се работи е нов крак кој треба да го олесни патувањето и преку заобиколен пат да се избегнат сообраќајните гужви во Поградец. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
