Жена се здоби со тешки повреди по пад од трет кат на зграда на улицата „Карпош Војвода“, приведени две лица од Охрид поврзани со настанот

Охрид, 8. март 2024 (ОХРИДОПРЕС) – Денеска, во 11:10 часот, во СВР Охрид е пријавено дека од трети кат на зграда на улицата „Карпош Војвода“ во Охрид, паднала жена која потоа со возило на Итната медицинска помош е пренесена во болницата „Св. Еразмо“ во Охрид.

– Во врска со настанот, во 11:45 часот, на улицата „Јане Сандански“ во Охрид, лишени се од слобода две лица на возраст од 32 и 21 година, двајцата од Охрид. На местото на настанот, увид вршат Јавен обвинител и полициски екипи и се преземаат мери за целосно расветлување на настанот, информираат од СВР Охрид. (Крај)

извор: СВР Охрид фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука