Пожарите во Македонија во моментов на мапата на NASA FIRMS
Скопје/Охрид, 19. јули 2024 (ОХРИДПРЕС) – Системот за информации за пожари и управување со ресурсите (Fire Information for Resource Management System – FIRMS) редовно ги објавува најновите податоци за пожарите ширум светот, скоро во реално време (NRT).
Екипата на OhridPress ја објавува најновата мапа на овој систем за пожарите во Република Македонија во моментов.
Информациите се обезбедени преку системите за фотографирање (MODIS) на сателитите Aqua и Terra. На глобално ниво, овие податоци се достапни во рок од 3 часа по сателитското набљудување, но за САД и Канада, активните податоци се достапни во реално време.
NASA FIRMS користи сателитски набљудувања од системите MODIS и VIIRS за откривање активни пожари и термички аномалии ширум светот и ги доставува овие информации до носителите на одлуки. FIRMS првично беше развиен од Универзитетот во Мериленд.
– На територијата на Република Македонија во последното деноноќие од 28-те пожари на отворено, активни се 13 пожари. Локализирани се два, а четири пожари се под контрола, информираат од Центарот за управување со кризи.
Активни се пожарите во општините Чашка (2), Велес, Росоман, Студеничани, Штип (2), Македонски брод (2), Пробиштип, Битола, Прилеп и Долнени. (Крај)
извор: ОхридПрес фото: FIRMS
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
