Зголемен водостојот на Охридското Езеро, денес е на кота од 693,49 м.н.в

Охрид, 25. мај 2021 (ОХРИДПРЕС) – Продолжува порастот на нивото на водата во Охридското Езеро.

Според денешните мерења на Управата за хидрометеоролошки работи на Република Македонија (УХМР) езерото е на кота од 693,49 м.н.в, што е за 17 сантиметри под месечниот просек (693,66 м.н.в) и 39 сантиметри над минимално дозволеното ниво од 693.10 м.н.в.

Досегашните податоци говорат дека во текот на овој месец водостојот на езерото пораснал за шест сантиметри. Температурата на езерската вода изнесува 18 степени и е за 2,9 степени повисока од мајскиот просек.

Во Охрид денес сончево и топло со мала до умерена локална облачност. Ќе дува слаб до умерен ветер од јужен правец.

Максималната температура во Охрид ќе се искачи до 28. степени.

– Утре попладне и во четврток времето ќе биде нестабилно со локален пороен дожд и грмежи. Од утре ќе дува северен ветер, а температурата ќе биде во опаѓање, информираат од УХМР. (Крај)

извор: ОхридПрес фото: ОхридПрес/УХМР

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука