Пад од два сантиметри бележи нивото на водата во Охридското Езеро

Охрид, 28. јуни 2021 (ОХРИДПРЕС) – Пад од два сантиметри за три дена бележи нивото на водата во Охридското Езеро. 

Според денешните мерења на Управата за хидрометеоролошки работи на Република Македонија (УХМР) езерото е на кота од 693,52 м.н.в, што е за 15 сантиметри под месечниот просек (693,67 м.н.в) и 42 сантиметри над минимално дозволеното ниво од 693.10 м.н.в.

Минатиот месец водостојот порасна за осум сантиметри, а сегашната кота е како на почетокот на јуни. Високите дневни температури, пак, ја стоплија езерската вода, па сега е за скоро пет степени потопла од јунскиот просек и изнесува 24,5 степени.

Во Охрид денес сончево и топло време со мала локална облачност. Ќе дува слаб до умерен ветер од променлив правец.

UV индексот ќе биде 8, а максималната температура во Охрид ќе се искачи до 32. степени.

– Продолжува периодот на сончево и многу топло време, од утре до четврток повторно со температури до 40-тиот степен. Од средината на работната седмица ќе има услови за краткотрајна попладневна локална нестабилност, информираат од УХМР. (Крај)

извор: ОхридПрес фото: ОхридПрес/УХМР

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука